Егет кешегә җитмеш төрле һөнәр дә аз, дигәннәре Динар Бәдретдинов кебекләргә карата әйтеләдер, мөгаен. Аның кулыннан килмәгән эш юктыр. Чакмагыш һөнәрчелек лицеенда тракторчы-машинист һөнәренә ия булды, бухгалтерлык белгечлеген үзләштерде. Уфада двигательләр ремонтлау буенча махсус курсларда укыды, автобус, "КамАЗ” двигательләре ремонтлау буенча эшләп, шактый тәҗрибә туплады. Ә үткән ел ук автомобильләр ремонты буенча үзенең эшен ачты. Аның хезмәтеннән мин берничә тапкыр файдаландым инде. Кайчан гына мөрәҗәгать итсәң дә, ул кире какмый: башлаган эшен ташлап, ярдәмгә ашыга, сыйфатлы итеп башкарып та куя. Алтын куллы, уңган егеткә уңышлар гына юлдаш булсын, һәрчак кешеләрне сөендереп, хезмәтенең игелеген күреп яшәсен.

Рәмлә Кәбирова,
район инвалидлар оешмасы җитәкчесе.
Рәзифә Сәхапова фотосы.

Башкортстанның атказанган укытучысы һәм тренеры, Русиянең халык мәгарифе отличнигы Фидрат Афзал улы Гыймаев җитәкчелегендә 1966 елда Чакмагыш беренче урта мәктәбе базасында хоккей секциясе оешкан. Районның спорт җәмәгатьчелеге бу түгәрәкнең оешуына 45 ел тулуны билгеләргә әзерләнә.

* * *