Башкортстанның атказанган укытучысы һәм тренеры, Русиянең халык мәгарифе отличнигы Фидрат Афзал улы Гыймаев җитәкчелегендә 1966 елда Чакмагыш беренче урта мәктәбе базасында хоккей секциясе оешкан. Районның спорт җәмәгатьчелеге бу түгәрәкнең оешуына 45 ел тулуны билгеләргә әзерләнә. * * *
 Үткән җомга һәм шимбә көннәрендә районда унбер никах теркәлгән: Себердә яшәүче Ринат Яхин белән Чакмагыштан Гөлшат Бакирова, Чакмагыштан Денис Вәлиуллин белән Имәнлекулдан Эльза Ситдикова, Чакмагыштан Шамил Гайсин белән Мишкә районыннан Фидәния Исламова, Чакмагыштан Радик Садретдинов белән Индира Гыйльванова, Чакмагыштан Радик Бикмурзин белән Кушнаренко районыннан Регина Сәетгалиева, Чакмагыштан Радик Ситдиков белән Яңа Балтачтан Эльмира Халикова, Саратов өлкәсеннән Юрий Иванов белән Юмаштан Вера Никифорова, Каразиректән Фидан Әһәдуллин белән Чакмагыштан Айгөл Халикова, Имәнлекулдан Рөстәм Әбсәләмов белән Дәүләкән районыннан Александра Данилова, Октябрьский шәһәреннән Динар Сираев белән Аблайдан Эльза Гайсина, Рәҗәптән Динар Сәхибгәрәев белән Яңа Бирдедән Флүзә Гайсаровага юлланган изге теләкләр гомерлек гаилә бәхете китерсен.
|
