Киләсе 2013 елның тәүге яртысына матбугат басмаларына язылу хаклары сизелерлек арта төшүен беләсез инде. "Русия почтасы” федераль дәүләт унитар предприятиесе, күпьеллык тугры дуслыкны артабан да дәвам итүгә юл ачу максатында, аерым гәзит һәм журналлар редакцияләре белән килешү нигезендә агымдагы елның 11-21 октябрь көннәрендә матбугат басмаларына льготалы шартларда язылу ункөнлеге игълан итте. Аның үзенчәлеге шунда: бу көннәр эчендә мондый килешү төзешкән басмаларга язылу хакы берничә процентка арзанайтыла. Билгеле инде, абунәче кесәсендәге акчага да экономия ясала. Шунысы куанычлы, бу басмалар исемлегендә район "Игенче” гәзите дә бар. Хөрмәтле дуслар! Әйдәгез, шушы ункөнлектә бердәм рәвештә очсызрак хакка яраткан басмалар белән дуслыкны ныгытып калырга ашыгыйк! Ташламалы хакка яздыруга ризалашкан басмалар исемлеге һәр почта элемтәсе бүлекчәсендә бар. Фларида Сәмигуллина, почтамтның подписка бүлеге начальнигы.
| 
