Чакмагыш урамнарында көтүе белән кәҗәләр йөрүенә күнегеп тә барабыз шикелле. Алар юлда йөргәндә дә комачаулыйлар, клумбалардагы чәчкәләрне дә, полисадник-бакчалардагы агачларны таптап, кимереп юкка чыгаралар. Моның өстәвенә, соңгы вакытта урамнарда караучысыз йөрүче сыер маллары да күбәйде. Шушы хәлләргә киләчәктә юл куймас өчен Чакмагыш урамнарында бүгеннән ат менгән каравылчы йөриячәк. Аның алдына урамда теләсә кайда караучысыз йөрүче кәҗәләрне, башка сыер малларын куып алып китеп бер урынга – "Заря” кооперативының сөтчелек фермасы ихатасына илтеп ябу бурычы куела. Ул малларны хуҗалары килеп алганда административ җәза кулланылачак. Ягъни малларын ихатадан иркенгә чыгарып җибәрүчеләр закон нигезендә штрафка тарттырылачак. Муниципаль район хакимияте административ комиссиясе.
| 
