|
Главная » 2011 » Сентябрь » 5 » 1 сентябрь – Белем көне
08:24 1 сентябрь – Белем көне |
Чакмагыш беренче урта мәктәбе элек-электән нигезле белем бирүе, күркәм традицияләре белән данлы. Укучылары югары уку йортларына аеруча күп кабул ителә. Әйтик, Уфа дәүләт авиация техник университетында Чакмагыш районыннан былтыр 57 студент укыган икән, шуның 25се нәкъ шушы белем йортын тәмамлаган булган. Гомумән, әлеге мәгариф учреждениесенең соңгы еллардагы уңышлары сөенечле: предмет олимпиадаларында, бердәм дәүләт имитиханнары тапшырганда, төрле конкурсларда, спорт ярышларында hәм сыйныфтан тыш чараларда ирешелгәннәре сокландыра. Yткән уку елын медальләр алып тәмамлаган 17 егет hәм кызның hәммәсе талип-талибәләр сафына кабул ителгән. Җәйге чорда мәктәп биналарында ремонт үткәрелгән, матди-техник базаны ныгытуга зур игътибар бирелгән. Яңа уку елында 634 бала белем алачак, шуларның 51е беренчегә килә.
|
|
Просмотров: 1510 |
Добавил: bikmiew
| Рейтинг: 0.0/0 |
|
 |
Copyright MyCorp © 2024 |
 |
|
|
