Зур авылның үз хәстәрлекләре - 27 Октября 2011

Хакимият көненең чираттагысы 25 октябрьдә Иске Калмаш авыл Советы авыл биләмәсендә үтте. Көндез урындагы биләмә хакимияте бинасында шәхси сорау-үтенечләрен 9 кеше җиткерде. Кич авыл мәдәният йортына Иске Калмаш, Яңа Мортаза, Болгар һәм Кавказ авылларында яшәүчеләр җыелды. Муниципаль район хакимияте башлыгы Риф Сәгъдәтулла улы Йосыпов һәм аның урынбасарлары, төрле оешма-учреждениеләр, киңкүләм мәгълүмат чаралары вәкилләре катнашлыгында әлеге чара ике якны да кызыксындырган сорау-үтенечләрне җентекле тикшерү шартларында узды.