Язның беренче көнендә бу дөньядан иртә киткән хоккейчы Урал Вәлиев истәлегенә беренче урта мәктәпнең боз мәйданында хоккей буенча ярышлар үтте. Ярышларда өч команда көч сынашты. Осталык һәм мәргәнлек, җитезлек күрсәтеп, боз мәйданы хуҗалары — чакмагышлылар беренче урынны яулады. Икенче урын Яңа Котыдан килгән "Айкүл” командасында, өченче урынны Имәнлекул авылы хоккейчылары алды.
"Иң яхшы сакчы” исеменә Илдар Мусин (Яңа Коты) булды. Имәнлекулдан Ильяс Сәлимов "Иң яхшы капкачы” булып чыкты, ә инде Денис Гадиев үзен "Иң яхшы һөҗүмче” дип танытты.
Җиңүче командалар кубок, медаль һәм Мактау грамоталары белән бүләкләнделәр.
Шамил Рафисов.
