17 майда Русиядә гадәттәгечә Халыкара балалар ышаныч телефоны көне билгеләнә. Агымдагы 2013 елда ул "Гаиләне берләштерү юлында” девизы белән үтә. Авыр тормыш хәлендә калучы балалар гомумрусия 8-800-2000-122 бердәм ышаныч номерына кәрәзле телефоннан да, өй телефоныннан да шалтырата ала. Балалар өчен ышаныч телефоны хезмәте тәүлек әйләнәсенә, аноним рәвештә эшли. Шалтырату бушлай.
Шулай ук 17 майда 15.00дән 17.00 сәгатькәчә Башкортстан Республикасы Мәгариф министрлыгы белгечләре ата-аналар тәрбиясеннән мәхрүм калган балалар һәм ятимнәрне гаиләләргә урнаштыру республика үзәге дәүләт учреждениесе белән берлектә авыр тормыш хәлендә калган балаларның хокукларын яклау буенча "Кайнар линия” үткәрә. Бу чараның телефон саннары – 8-347-244-87-50.
