Агымдагы елның 1 февраленнән 31 мартына кадәр 2012 елның икенче яртысы республикада нәшер ителүче дистәдән артык гәзит-журналга һәм кайбер үзәк басмаларга вакытыннан алды очсызрак хак белән язылу мөмкинлеге бирелү турында гәзитебезнең 7 февральдә чыккан 15нче санында хәбәр иткән идек инде. Хөрмәтле абунәчеләребезнең тагын шул хакта исенә төшерәбез. Ул басмаларның исемлеге дә бар иде. Бу каталоглар район почта бүлекчәләренең барысына да кайтарылды. Сезне беренче яртыеллык хаклары белән язылырга чакырабыз. Әле соң түгел, анда барып бүгеннән языла аласыз. Мөмкинлекне кулдан ычкындырмагыз, моның белән сез хәтсез акчагызны янга калдырырсыз һәм, әлбәттә, рухи азыклы булырсыз! Фларида Сәмигуллина, подписка бүлеге начальнигы.
|
