Туган якның гүзәллеген сурәтләп  Балалар сәнгать мәктәбе муниципаль район хакимиятенең мәдәният бүлеге белән берлектә "Туган ягым” дип аталган фотоконкурс оештыра. Анда, яше чикләнелмичә, фоторәсем төшерү осталары, һәвәскәр фотографлар да катнаша ала.Жюри хөкеменә компьютерда үзгәртелеп эшләнү билгеләре булмаган А3 форматлы (297х420мм) биш данәдән артык күләмдә булмаган фотросурәтләр түбәндәге номинацияләр буенча кабул ителә: – туган авылым (авыл пейзажы, табигать күренеше); – архитектуралы фоторәсем; – минем эш урыным (кешеләр эш урынында); – туктап тор, мизгел (фотосурәтләмә); – тере табигать (хайваннар, бөҗәкләр, кошлар һ.б.) – яшьлек - яшьнәр чак (заман яшьләре тормышын, мәдәниятен, яшьләр хәрәкәтләрен чагылдырган фоторәсемнәр). Һәр фоторәсемгә исем (атама), төшерелгән көне һәм урыны турында мәгълүмат булу шарт. Конкурска эшләр агымдагы елның 1 декабреннән 2012 елның 15 февраленә кадәр Чакмагыш авылы, Тынычлык урамы, 28 санлы йорт, мәдәният йорты, өченче кат, Балалар сәнгать мәктәбе адресы буенча кабул ителә. Белешмәләр өчен телефоннар: 3-13-71; 8-960-384-07-09. Рәхим итегез! Зөлфия Вәлиуллина, балалар сәнгать мәктәбе директоры.
|
