“Игенче” гәзите призларына - 14 Марта 2013

Якшәмбе, 17 мартта, урман хуҗалыгы питомнигы янәшәсендәге (Яңа Коты юнәлешендәге юл буенда) чаңгы трассасында инде традициягә әверелгән "Игенче” гәзите призларына чаңгы ярышы үткәрелә. Бәйге тотучыларны теркәү иртәнге сәгать 10нан башлана, сәгать 11дә ярышларга старт биреләчәк. Ярышлар дүрт яшь төркемнәре: 30 яшькә кадәргеләр, 40 яшькә тиклемгеләр, 55 яшьләре тулмаганнар һәм 55 яшьтән өлкәнрәкләр арасында оештырылачак. Ир-егетләр 6, хатын-кызлар 3 чакрымга ярышачак. Җиңүчеләрне бүләкләр көтә. Командалар составына 5әр ир-ат, шул санда ук хатын-кызлар кертеләчәк. Ярышучылар һәм көярмәннәр өчен район кулланучылар җәмгыяте кайнар чәй һәм таба ашлары әзерләде. Рәхәтләнеп ял итәргә һәм ярышып, бүләкләр алырга рәхим итегез, дуслар!