|
 |
|
 |
Главная » 2013 » Ноябрь » 14
Агымдагы елның ун ае үтеп китте, инде хәзер, һөнәри бәйрәмебез алдыннан, эшебезгә кайбер нәтиҗәләр ясарга мөмкин Малларның токымын, нәсел сыйфатларын яхшырту терлекчелек тармагы үсешенең мөһим өлеше булып тора. Соңгы унбиш елда бу юнәлештә безне районда аеруча күп эшләнде. Сыер малларын, таналарны ясалма орлыкландыру юлы белән каплату, көтү составын тотрыклы саклап калу белән беррәттән, аны сыйфат ягыннан яхшыртуга нык булышлык итте. Менә шушы күпьеллык киеренке хезмәтнең нәтиҗәсе буларак, хәзер безнең район хуҗалыкларында нигездә үзебездә үстерелгән яхшы нәселле савым сыерлары асрала дисәк тә хата булмас. Районда өч хуҗалык нәсел заводы, алтысы нәсел-репродуктив хуҗалык буларак үсеш алды. Аларда 5388 баш нәселле сыер исәпләнә. Аларның саны ел саен артып тора. Быел үткән елдагыга караганда андый маллар 98 башка күбәйде. Нәкъ менә малларның токымын даими яхшыртып тору продуктлылыкны арттыруга нык булышлык итә. Терлекчелек продукциясен җитештерүдә безнең дә хезмәткәрләребезнең хезмәт өлеше бар. Бу күрсәткечләр, билгеле булуынча, үткән еллардагы кебек республика күләмендә иң яхшылардан санала. Бүгенге эшләребез турында сөйләгәндә, без һәрвакыт киләчәк турында кайгыртып, хәстәрләп яшибез. 1 ноябрьгә район буенча 7253 бозау алынды. Һәр 100 сыерга исәпләгәндә 78 бозау туры килә. Әле
...
" Читать дальше "
Просмотров: 690 |
Добавил: bikmiew |
Дата: 14.11.2013
|
|
Бәйрәм белән сезне, илне туендыручылар! Иртәгә районда Авыл хуҗалыгы һәм эшкәртү сәнәгате хезмәткәрләре көнен билгелибез. Бу көн, һичшиксез, авыл эшчәннәре өчен көтеп алынган һәм кадерле бәйрәм булып тора. Крәстиян өчен һәр ел үзенчәлекле. Соңгы елларда корылык аркасында зур зыян күрсәк, быел җәй корылык белән беррәттән көзен озакка сузылган яңгырлар да эшкә зур комачаулык ясады. Әмма, шуңа карамастан, авыл эшчәннәре сынатмады. Республика буенча ашлыкның тулаем җыемы 2,2 миллион тонна тәшкил итте. Киләсе елда чәчү өчен орлык фонды, фураж өчен бөртек азыгы тупланды. Халыкның икмәккә һәм икмәк изделиеләренә булган ихтыяҗлары өчен тулысынча җитәчәк. Республика караваена, һәр елдагыча, безнең район да зур өлешен кертте. Барлыгы 131896 тонна иген үстереп алдык. Бөртекле культураларның уртача уңышы һәр гектардан 28,3 центнер тәшкил итте. Кабул итү пунктына 65200 тонна шикәр чөгендере озаттык, баллы тамырның гектар көче 354,3 центнерга җитте. Малларны уңышлы кышлатып чыгару өчен җитәрлек күләмдә мал азыгы тупланды, һәр шартлы малга исәпләгәндә, фуражны кертмичә, уртача 38,7 центнер азык берәмлеге тәшкил итә. Ашлык җитештерү буенча республикада быел да иң алдынгылар исәбендә торабыз. Бу – чакмагышлыларның зур хезмәт җиңүе.
Просмотров: 718 |
Добавил: bikmiew |
Дата: 14.11.2013
|
|
|
|
 |
Copyright MyCorp © 2024 |
 |
|
|
