Инша Аллаһ, сөенеп көтеп алган изге Рамазан ае тәмамланып, хак динебездәге иң мәртәбәле бәйрәмнәрнең берсе – Рамазан гаете якынлашып килә. Бөек Раббыбыз биргән көч-кодрәт белән, сабырлык белән үткәргән шушы айның изге бәйрәмен, елдагыча Яңа Балтач авылындагы "Фәридә” мәчетендә дә күркәм итеп оештырмакчыбыз. Әйткәндәй, шушы көннәрдә мәчетебезнең үз ишекләрен ачып халыкка хезмәт итә башлавына өч ел тула. Шушы ике бәйрәмне билгеләп үтү тантанасына башкалабыздан мәртәбәле кунак – "Гуфран” мәчетеннән Абдулкәрим хәзрәт тә килер дип көтәбез. Гает намазы 30 августта, сишәмбе көнне, иртәнге 10 сәгатьтә башлана. Рәхим итегез, хөрмәтле райондашлар, дин кардәшләр!

Илһам Якупов,