|
 |
|
 |
Главная » 2011 » Декабрь » 6 » Илебезнең киләчәге өчен
07:44 Илебезнең киләчәге өчен |
 4 декабрьдә илебездә алтынчы чакырылыш Русия Федерациясе Федераль җыелышының Дәүләт Думасына депутатлар сайлау үтте. Бу чара безнең районда да халыкның актив катнашлыгында барды, анда сайлаучылар исемлегенә керүчеләрнең 89,6 проценты катнашты. Бу көнне миңа ике сайлау участогында булып, тавыш бирү барышын күзәтеп, эшләр торышы белән якыннан танышырга туры килде. 3320нче санлы Чакмагыш сайлау участогы – быел район үзәгендә яңа ачылган участокларның берсе. Ул Чакмагыш беренче урта мәктәбендә, якын-тирә урамнарда яшәүчеләргә якын урында урнашкан. Башка сайлау участокларындагы кебек, биредә дә тавыш бирү иртәнге 8 сәгатьтә башланды. Беренчеләрдән булып килүчеләр – Парк урамында яшәүче хезмәт ветераннары Рәисә һәм Зөфәр Зиннәтуллиннар. Шулай ук Ирек Тангатаров үзенең гражданлык бурычын тәүгеләр исәбендә үтәде. Аннары башкалар да, сайлау комиссиясе утырган өстәлдән тиешле бюллетеньнәрен алганнан соң, кабина эченә кереп, үзләренә ошаган сәяси партияләр турындагы шакмакка билге (тамга) куеп, аларны сайлау урналарына салды.
|
|
Просмотров: 468 |
Добавил: bikmiew
| Рейтинг: 0.0/0 |
|
 |
Copyright MyCorp © 2025 |
 |
|
|
