 Русиядә алтынчы чакырылыш Дәүләт Думасына депутатлар сайлау үтте. Аның беренче нәтиҗәләре билгеле. Тавыш бирүдә сайлаучыларның 60,2 проценты катнашты. Депутат мандаты өчен көрәшкән җиде партия ара-сында күпчелек тавышны "Бердәм Русия” (49,3 процент) җыйды. Икенче урында элеккечә Русия Федерациясе Коммунистлар партиясе (19,1 про-цент), аннан кала "Гадел Русия” (13,2 процент), ЛДПР (11,6 процент) Нәкъ менә шушы партияләр парламентка үтәчәк тә инде. Ә менә "Ябло-ко” (3,4 процент), "Уң эш” һәм "Русия патриотлары” (бер процентка да җитми) сәяси партияләре, 5 процентлы барьерны үтә алмау сәбәпле, Дәүләт Думасына эләгә алмадылар. Шулай итеп, "Бердәм Русия” парламентта — 238, КПРФ – 92, "Гадел Русия” – 64, ЛДПР 56 мандат алды.
|
