Русия җыелма командасы совет чорыннан соң 1993, 2008 һәм 2009 елларда хоккей буенча дөнья чемпионы булган иде. Үткән елда, белүебезчә, финалга чыга алмадылар, дөнья чемпионатында бары тик дүртенче урында торып калдылар. Ниһаять, быел Зиннәтулла Билалетдинов җитәкчелек иткән команда бу югары исемне яңадан кайтарды – Русия җыелма командасы дөнья чемпионы булды! Финляндия белән Швециядә үткән дөнья чемпионатында безнекеләр барлык 10 матчта да ышанычлы җиңделәр. Бу җиңүләр төп уен вакытында яуланды һәм Русия хоккейчылары үзләрен янә дөньяда иң көчле, иң бердәм команда итеп танытты. Русиялеләр финалда Словакия командасы белән очрашты. Чехларны җиңеп, финалга чыккан словаклар безнекеләрдән 6:2 исәбе белән җиңелде. Әфарин, егетләр!
|