Башкортстанда Краснодар краенда су басудан зыян күрүчеләр өчен гуманитар ярдәм итү дәвам итә. Бу игелекле эш безнең районда да башланды. Ул хакта район гәзитенең пәнҗешәмбедә дөнья күргән санында мәкалә басылып чыккан иде инде.
Русия почтамты да бу акциядә катнашып, каза күрүчеләргә ярдәм итүдә үз өлешен кертергә карар итте. Чакмагыш почтамтына килеп, һәркем акчалата переводларын, кием-салым, азык-төлек һәм башка әйберләр салынган посылкаларны, кабул итү пунктына илтеп тормыйча, безнең аша турыга Краснодар краена җибәрә ала. Посылка җибәрү дә, акча салу да – бушлай. Чакмагышта аларны атнаның дүшәмбе – шимбә көннәрендә 8-20 сәгатьләр эчендә җибәрә аласыз. Ә авылларда сишәмбе – шимбә көннәрендә 9-18 сәгатьләрдә җибәрергә мөмкин булачак. Килегез, ишекләребез һәрвакыт ачык, безнең операторларыбыз бу хакта хәбәрдар, алар сезгә ярдәм итәргә һәрчак әзер. Җибәрү адреслары бездә бар.
Эльвира Гарифуллина,
Чакмагыш почтамты начальнигы урынбасары.
Узган елның көзендә һәм агымдагы елның язында үткәрелгән федераль сайлаулардан соң бераз гына тын алгач, яңадан сайлауларга әзерләнә башладык. Билгеле булуынча, 14 октябрьдә Башкортстанда 94 сайлау компаниясе үтәчәк. Шуның 54е – муниципаль район Советлары депутатларын сайлаулар.
