Безнең район данын Чакмагыш гимназиясе укучылары Тимур Кинҗәкәев, Таңсылу Бакирова, Калмашбаш урта мәктәбеннән Илмир Әхмәтшин, Азамат Латыйпов, Данил Дәүләтшин, Яңа Балтачтан Лилия Миндиярова, Иске Бәширдән Раушан Искуҗин һәм Сыерышбаштан Ильяс Зәкәриев яклады.
Трасса шәһәр урамнарыннан үтте. Малайлар – 50, кызлар 30 километр арада узыштылар. Шәһәр эчендә уртача 40 километр тизлек күрсәтеп, яшь велосипедчылар җилдән җитез җилдереп үттеләр. Иң көчлеләр генә җиңә алды. Андыйлар исәбендә безнең велосипедчыларыбыз да бар. Мәсәлән, шәхси беренчелектә кызлар арасында Лилия Миндиярова – беренче, Таңсылу Бакирова икенче урынны алды. Малайлар арасында Ильяс Зәкәриев финиш сызыгына икенче булып килде.
Спортчыларның күрсәткечлә-ренә карап гомумкоманда бе-ренчелегенә йомгак ясалды. Монда безнекеләргә тиңләшүчеләр табылмады. Чакмагыш балалар-үсмерләр спорт мәктәбе командасы, 56 балл җыеп, беренче урынны алды. Икенче урынга Нефтекама (48 балл), өченче урынга — Мәләвез шәһәрләре (45 балл) командалары чыкты.
Шулай итеп, безнең Балалар-үсмерләр спорт мәктәбе командасы Башкортстан Республикасы кубогын яулады. Грамотага ия булдык. Яшь спортчыларыбыз да бүләксез калмады: аларга медальләр, Грамоталар тапшырылды, акчалата дәртләндерелде.
Ранис Баянов,
тренер.
