Республика Президенты Рөстәм Хәмитов Благоварда уракка әзерлек буенча үткән семинар-киңәшмәдә быел урып-җыюны 3 атнада төгәлләү бурычы куйды. *** Быелгы уракта район басуларында барлыгы 108 ашлык комбайны игеннәрне урып-сугуда катнашачак. Шуның 17се – "Үзәк” машина-технология станциясенеке, 21е – керәстиян-фермер хужалыкларыныкы. *** Район хужалыклары карамагында булган 91 ашлык комбайнының һәрберсенә уртача 400 гектарга якын эш күләме (нагрузка) төшә. МТС комбайннарына ул 760 гектар туры килә. *** Районның агросәнәгать комплексы ел да яңа техника һәм авыл хуҗалыгы машиналары белән тулылана. Агымдагы елның алты аенда гына да барлыгы 110 млн сумлык заманча техника сатып алынды. Алар арасында 21 трактор, 6 ашлык комбайны, чәчкечләр, башка техника һәм тагылмалар бар.
| 
