Бүгенилебезнең һәр гражданины  Русия Феде-рациясе Президенты Владимир Владимирович Путинга үзен кызыксындырган со-раулар белән мөрәҗәгать итә ала. Ел саен үткәрелә торган “Владимир Путин белән туры элемтәдә” программасы “Беренче”, “Россия 1”, “Россия 24” телеканалларында, “Маяк”, “Вести FМ” һәм “Радио России” радиостанцияләрендә Мәскәү вакыты белән 12 сәгатьтә эфирга чыгачак. Ил башлыгы җәмгыятебезнең иҗтимагый-сәяси һәм социаль-икътисадый тормышына, шулай ук халыкара хәлгә кагылышлы сорауларга җавап бирәчәк.
Бердәм хатларны эшкәртү үзәге 10 апрельдән эшли башлаган иде. Ул программаның азагына кадәр дәвам итәчәк. 8-800-200-40-40 телефоны аша шалтыратырга мөмкин. Шәһәр һәм кесә телефоннарыннан шалтырату – түләүсез. Шулай ук сорауларны интернет аша www. moskva –putinu. ru (httt// www. moskva –putinu. ru) яисә www. москва-путину. рф адреслары буенча бирергә мөмкин. Быел беренче тапкыр Президентка кыска видеомөрәҗәгать яисә кесә телефоны өчен махсус кушымта ярдәмендә мөрәҗәгать итәргә була.
SMS-хәбәрләр формасында сораулар бары тик Русия бәйләнеш операторлары телефоннарыннан 0-40-40  саннарына кабул ителәчәк. Хәбәр җибәрү бушлай. Сорауны бары тик урыс телендә җибәрергә кирәк. Күләме  70 билгедән дә күбрәк булырга тиеш түгел.