Тармактагы көнүзәк мәсьәләләр

Терлекчелек буенча район семинарларын һәр квартал саен үткәрү матур традициягә әверелде. 21 июльдә "Заря” авыл җәмгыяте җитештерү кооператив-колхозында үткән чираттагы район семинар-киңәшмәсендә дә сүз елның беренче яртысында терлекчелектә башкарылганнар, тармак эшенә кагылышлы көнүзәк мәсьәләләр турында барды. Анда хуҗалык җитәкчеләре, баш зоотехниклар һәм ветврачлар, участок врачлары һәм профсоюз комитеты рәисләре катнашты.