“Түгәрәк өстәл” артында сөйләшү - 27 Февраля 2012

Русия Федерациясе Президентын сайлау алды эшләренең иң кызган чагы. Сайлауга санаулы гына көннәр калды. Ил тормышында булган иң мөһим вакыйгаларның берсе булган бу чарага 18 яше тулган бер гражданин да битараф калырга тиеш түгел. Сайлаучылар исәбендә иң активлары – пенсионерлар, аннан кала урта яшьтәге эшчеләр, иң сүлпәннәре – яшьләр. Яшьләрне сайлауларда катнашырга чакырып бүгенге көндә бик күп эшләр алып барыла. Шул исәптән район үзәк китапханәчесе оештырган махсус чаралар да бу турыда сөйли.