Район мәктәпләренең хәвефсез тормыш нигезләре hәм хәрби эш дәресләре укытучылары 17 майда Илеш районында үткәрелгән зона семинарында булып кайттылар. Укытучылар белем йортларында шушы дәресләрдә балаларга белем hәм практик күнекмә бирү торышы, яңа эш алымнары, алдынгы тәҗрибә белән таныштылар.

***

Районыбыз терлекчеләре тармакны үстерү өчен зур көч сала. Мал кышлатуны уңышлы тәмамлап, алар җәйге чорны дәррәү башлап җибәрделәр. Ферма коллективлары, җәйге мөмкинлекләрне оста файдаланып, җәйләүләрдә сөт җитештерүне арттыралар. 18 майда, мәсәлән, район буенча hәр сыердан 13,8 килограмм сөт савып алынды. Бу көнне сөт үткән елның шушы чоры белән чагыштырганда 16,7 центнерга күбрәк җитештерелде.