Авыл спортчылары арасында шайбалы хоккей буенча Бөтенрусия ярышларына әзерләп, район командасының шушы мәртәбәле бәйгедә катнашуын тәэмин иткәне өчен муниципаль район хакимияте башлыгы РИФ СӘГЪДӘТУЛЛА УЛЫ ЙОСЫПОВ Русия Федерациясе "Урожай” ирекле спорт җәмгыятенең hәм Чиләбе өлкәсе Законнар чыгару җыелышының Мактау грамоталары белән бүләкләнде.

Иске Бәшир авылы мәдәният йортының Тимур Әхмәдуллин, Айрат Идрисов, Фидус Фәттахов, Айнур Булатов hәм аларны өйрәткән Хәдит Хәсәновны  берләштергән яшь тальянчылар ансамбле Кушнаренко районы үзәгендә Милләтара татулыкны ныгыту елы уңаеннан үткәрелгән "Уйна, гармун – 2011” конкурсында җиңде hәм лауреат  өчен  Дипломы  белән бүләкләнде.