Һәр ел июнь аенда Яшьләр көне үткәрү күркәм традициягә әверелде. Быел ул 24 июньдә "Олимпияче" физкультура-савыктыру комплексы ихатасында оештырылачак. Әлбәттә, аның иң чагу бизәге коляскалар парады булачак. Иң кадерле сабыйларының коляскасын иң оригиналь бизәгән гаиләләр җиңүче дип табылачак, өстәвенә гаиләгез турында иң җылы сүзләр белән тасвирлап сөйләп бирергә дә кирәк булачак әле. Быел граффити сәнгатен (буяу сиптереп стенага рәсем төшерү) сөючеләр бәйгесе дә оештырылачак, анда да актив катнашырга чакырабыз.

Бәйгеләрдә катнашырга теләк белдерүчеләрдән заявкалар 20 июньгә кадәр Чакмагыш авылы, Ленин урамы, 70 (интернат бинасы, икенче кат) адресы буенча кабул ителә. Белешмәләр өчен телефон: 3-12-63. Барлык катнашучыларга да истәлекле бүләкләр әзерләнде, килми калмагыз!

Индира Гәрәева.