Җиңү яулап кайттык - 19 Июля 2011

Агымдагы елның 17 июлендә Ишембай шәһәрендә 1996-1998 елгы егетләр һәм кызлар арасында шоссе юлда велосипедта узышу буенча Башкортстан кубогы өчен ярышлар узды. Безнең район данын яшь спортчылар – Чакмагыш гимназиясенннән Таңсылу Бак

ирова, Дмитрий Кульков, Тимур Кинҗәкәев, Сыерышбаш мәктәбәннән Элина Хаҗиева, Альбина Галиева, Ильяс Закариев һәм Яңа Балтач мәктәбеннән Булат Исламовлар якладылар. Ярышта сигез шәһәр һәм безнең район командалары катнашты. Нәтиҗәдә иң күп очко җыеп Чакмагыш балалар-үсмерләр спорт мәктәбе командасы җиңүче булды һәм кубок белән бүләкләнде. Икенче һәм өченче урыннарны Уфа һәм Мәләвез шәһәрләре командалары бүлеште. Шәхси беренчелектә Элина Хаҗиева өченче урынга лаек булды. Ул Мактау грамотасы белән һәм акчалата бүләкләнде.