кәсендә билгеләнгән планнарны уңышлы үтәп барырга кирәк. Игенчелек һәм терлекчелек тармакларындагы эшләр торышы, авыл проблемалары, кешеләрнең тормыш-көнкүреш хәлләре — барысы да бригадирның хәстәрлек үзәгендә тора.
Юмашта төрле милләт вәкилләре ике гасырдан артык үзара дус-тату гомер кичерәләр. Авылның бай тарихы бар, халкының нәсел тамырлары тирән. Кешеләр төрле, һәркайсы белән аңлашып, килешеп, уртак тел таба белү бик мөһим. Валерий Мефодьевичның авыл тормышын, аның кешеләрен яхшы белүе, бай тәҗрибәсе, инициатива күрсәтүе үз эшен уңышлы алып барырга, зур уңышларга ирешергә ярдәм итә дә инде. Соңгы ун елда "Базы” авыл хуҗалыгы җитештерү кооперативы икътисады ныклы үсеш алды, игенчелек һәм терлекчелек тармакларында республика, хәтта Русия күләмендә зур казанышлар яулады. Иршелгәннәр өчен төрле елларда бирелгән зур бүләкләр бу хакта ачык сөйли. Алар арасында Русия Федерациясе Хөкүмәтенең 2011 елда бирелгән Мактау грамотасы, Русия Авыл хуҗалыгы министрлыгы тарафыннан һәм 2008 елда Бөтенрусия "Алтын көз” күргәзмәсендә бирелгән алтын медаль, күп санлы Дипломнар бар. Хуҗалыкның бу хезмәт җиңүләрендә, әлбәттә, Валерий Сайдяков җитәкчелек иткән коллективның да хезмәт өлеше зур.
Бригада эшчәннәренең быелгы эш-ләре дә куандыра. Районда беренче булып уракны тәмамладылар. Уңыш, һәрвакыттагыча, югары. Бөртекле культураларның һәр гектарыннан уртача 33 центнер ашлык җыеп алынды. Терлекчелектә дә эш нәтиҗәләре сокланырлык. Ел башыннан һәр сыердан уртача 4875 килограмм сөт савылды. Әлеге вакытта көндәлек савым 19,9 килограмм тәшкил итә. Симертүдәге маллардан тәүлеклек артым 829 грамм булды.
Иген басуларында ашлык комбайннары гөрелтесе тынуга шикәр чөгендере алу, сорго-суданка культураларын җыеп алу башланды. Әле мал азыгы хәзерләү дәррәү бара, силос салына. Бригадирның әйтүенчә, үстерелгән уңыш сокланырлык. Кукурузның гектарыннан 450 центнер яшел масса алынса, сорго-суданка үләненеке ул 1000 центнерга җитә! Август аенда биредә сорго үләнен үстерү буенча республика семинары үткәрелгән иде, кунаклар бу культураны игү буенча алдынгы тәҗрибәне өйрәнеп киттеләр.
Бригадирның вазифа бурычлары күп төрле. Басуларда, фермаларда эшләрнең көйле баруы, продукция җитештерүдәге тотрыклылык, авылда барган күп төрле төзелешләр, туклануны оештыру – кыскасы, һәр тармактагы эшләр аңа кагыла. Ферма биналары вакытында кышкы шартларга әзерләнгән, маллар фермаларга кайтарылган. Быел җәй бригадада "500 ферма” республика программасы кысаларында 600 башка исәпләнгән арка тибындагы ике мал торлагын төзи башлаганнар. Техника паркы яңарып тора, хезмәт шартлары яхшыра.
– Авылда яшәүче – ул игенчеме, терлекчеме, яисә башка һөнәр иясеме – уңайлы шартларда яшәргә һәм эшләргә тиеш. Безнең Юмаш авылында кешеләрнең тормыш дәрәҗәсен яхшырту, аның сыйфатын күтәрү буенча ел саен күп эшләнелә. Һәр елда бер-
ничә төрдәге заманча авыл хуҗалыгы техникасы һәм машиналары сатып алабыз. Фермаларда да кул көчен механизатор алыштырды, компьютерлар кертелә. Өч ел элек яңа – Яшьләр урамына нигез салынды. Хәзер урындагы хуҗалык исәбенә төзелгән бу яңа йортларда кооператив әгъзалары, яшь гаиләләр яши. Бөтен уңайлыклар да булдырылды: табигый газ, су кертелде, урам юлы күтәртелде. Бүген анда унбер гаилә бәхетле гомер кичерә. Авылыбыздагы барлык урамнар да асфальтланылды, – ди бригадир
кооперативы идарәсе алдында тезелеп киткән берсеннән-берсе күркәмрәк йортларга күрсәтеп.
Әнә шулай тырышып эшли дә, матур итеп яши дә белә юмашлылар. Бригадирның күңеле
тыныч, эшенең нәтиҗәсе күз алдында. Ә газиз җирен тагын да матуррак итү, халкы яхшырак яшәсен өчен алда эшлисе эшләр күп әле.
Туган җирен данлар өчен җан атып йөрүче, кече Ватаны матур эшләр белән бизәүче Валерий Сайдяков бүген дә тормыш үзәгендә кайнап яши.
Рәшит Вахитов.
Автор фотосы.
