Чакмагышның асыл ир-егетләренең "Строитель” хоккей командасы, республикабыз бәйгеләрендәге быелгы казанышлары искә алынып, Чиләбе шәhәрендә авыл районнары спортчыларының шайбалы хоккей буенча Бөтенрусия ярышында Башкортстан данын якладу хокукына ия булды. Көндәш командалар, төркемнәргә бүленеп, өлкә башкаласында hәм аңа якын гына урнашкан Первомайский касабасындагы спорт сарайларында очрашкан. Якташларыбыз Алтай крае hәм Чиләбе өлкәсе спортчыларыннан отылганнар, ә соңгы ике уенда, ягъни Саратов hәм Курган өлкәләреннән килгән командаларны үзләре җиңгән.

Уңышлы чыгыш ясаган өчен безнең "Строитель” командасы да, аның hәр уенчысы да Дипломнар белән бүләкләнде. Ә капканы уяу саклаган якташыбыз Азат Нурдәүләтов иң яхшы уенчы буларак билгеләнгән. Шулай итеп, шайбалы хоккей буенча Бөтенрусия ярышында сынау тоткан безнең "Строитель” командасы, уңышлы чыгыш ясап, алдынгылыкка лаеклы булуын ил күләмендә дә исбатлады. "Боз мәйданына ия спорт сарайларында ел әйләнәсенә өзлексез күнекмәләр үткәрү мөмкинлеге булган дәрәҗәле тренер-уенчылары белән данлыклы хоккей клублары спортчыларына лаеклы көндәшлек республикабыз даими яклаган Чакмагыш спортчыларының әзерлекле килүе Башкортстанның авыл хоккейчылары турында әйбәт тәэссоратлар калдырды”, – диде муниципаль район хакимиятенең спорт hәм физик культура комитеты рәисе Мөдәрис Гафаров.