 Балаларыбызны наркотиклардан берүк саклыйк! Алар заман афәтенә бик тиз бирешәләр, өлкәннәрнең аз гына игътибарсызлыгы да зур бәлага китерүе ихтимал. Наркотиклар куллануга каршы күп төрле тәрбияви чаралар күрелә. Шул исәптән мәгълүмати чаралар аша да кешегә тәэсир итү юллары киң кулланыла. Әгәр өйдә ата-ана сүзе, телевизор, радио, гәзит-журналлар, интернет челтәре, андагы махсус сайт зур йогынты ясаса, урамда торак йортларда, биналарда, коймаларда урнаштырылган социаль реклама – баннерлар да зур тәэсир итү көченә ия. Безнең районда андый баннерлар "Олимпияче” физкультура-савыктыру комплексында, Чакмагыш балалар спорт мәктәбендә һәм ДОСААФ оешмалары урнашкан биналар да куелган. Шулай ук район хакимиятенең яшьләр комитеты тарафыннан оештырылган чараларда, бәйрәмнәрдә ул күренә торган урынга урнаштырыла.Әгәр син кайда наркотиклар сатылуын беләсең икән, бу хакта шунда ук 250-20-30 телефоны аша Русия Федерациясе Федераль хезмәтенең наркотиклар әйләнешенә контрольлек итү буенча Башкортстан Республикасы буенча идарәлегенә хәбәр ит. Бу ышаныч телефонына шалтырату бушлай, конфиденциальлелек гарантияләнә. Светлана Шакирова, наркотикларга каршы көрәш буенча район комиссиясе сәркатибе.
|
