Һәркайсы үзен кирәкле тойсын өчен Агымдагы елның 15 декабрендә муниципаль район хакимияте бинасының кече утырышлар залында муниципаль район Советының социаль-гуманитар мәсьәләләр, хокук тәртибен саклау мәсьәләләре буенча даими депутат комиссиясе утырышы үткәрелде. Аны комиссия рәисе Салават Зәки улы Гыйзәтуллин ачты һәм алып барды. Утырышта муниципаль район Советының "2012-2015” елларга Башкортстан Республикасы Чакмагыш районы муниципаль районында "Һәркем файдалана алырлык мохит” программасы турында” һәм "2012-2013 елларга Башкортстан Республикасы Чакмагыш районы муниципаль районында "Өлкән буыннар өчен халык университеты” программасы турында” карарлары проектлары каралды. Совет карарлары проектлары белән комиссия әгъзаларын Башкортстан Республикасы Хезмәт һәм халыкны социаль яклау министрлыгының Дүртөйле районы һәм Дүртөйле шәһәре буенча идарәлегенең Чакмагыштагы бүлекчәсе начальнигы Илвера Илдус кызы Шәймөхәммәтова таныштырды. Проектларны җентекле тикшерү нәтиҗәсендә даими депутат комиссиясе аларны хуплады һәм Совет утырышында кабул итәргә тәкъдим кертте.
| 
