Хөрмәтле Риф Сәгъдәтулла улы! Русия көне – Русия Федерациясе Дәүләт суверенитеты турында декларация кабул ителү көне белән чын күңелдән котлауларымны кабул итегез! Без аны дәүләт һәм җәмгыять бердәмлеге, килеп туган авырлыкларны җиңә бару, икътисадта тотрыклылыкны тәэмин итү һәм кешеләр тормышы сыйфатын күтәрү, үсешебезнең стратегик юллары ачык булу шартларында каршылыйбыз. Соңгы еллар йомгаклары бездә бердәм Ватаныбыз – Русия Федерациясенең төп казанышларын саклап калу, икътисади, фәнни-техник һәм интеллектуаль потенциалын ныгыту өчен бөтен мөмкинлекләрнең булуын күрсәтә. Сезгә ныклы сәламәтлек, зур шәхсән бәхет, гаилә иминлеге, безнең күпмилләтле халкыбыз мәнфәгате хакына яңа казанышлар телим! Хөрмәт белән, Башкортстан Республикасы Дәүләт Җыелышы-Корылтай Рәисе Константин Толкачев.
|
