Бәрәкәтле Чакмагыш җиренең булдыклы игенчеләре бүген лаеклы рәвештә келәт-бураларны былтыргыдан 1,5 тапкырга арттырып тутырдык, дип әйтә ала: кырыс табигать шартларына карамастан, бүген район басуларыннан 120 мең тоннадан артык иген җыеп алынды! Урак эшләре тулысынча тәмамланганчы бу күрсәткеч арта да төшәчәк икән.
Чакмагыш караваена иң зур өлешне гектарыннан уртача 30 һәм аннан күбрәк центнер иген үстереп алган "Базы”, "Герой” һәм "Заря” кооперативлары игенчеләре кертте. Башка
хуҗалыкларда да төшем ярыйсы гына. Гомумрайон күләмендә һәр гектардан бөртекле культуралар уңышы бүгенгә уртача 26,3 центнер тәшкил итә. Буралар тулы, хезмәт дәрте зур булганда килә-чәгебез дә ныклы булачак. Бүген исә игенчеләр алдында үстерелгән уңышның бөртеген дә югалтмыйча җыеп бетерү бурычы тора. Булдыклы чакмагышлылар бу җәһәттән дә сынатмас, дип ышанабыз.
