Хөрмәтле Риф Сәгъдәтулла улы! Сезне һәм барлык чакмагышлыларны 2012 ел белән чын күңелдән котлыйм. Яңа елда барыбыз өчен дә яңа башлангычлар һәм казанышлар юлдаш булсын, барлык уй-ниятләребезнең һәм өмет-ышанычларыбызның тормышка ашуын телим. Ул һәр кешегә, һәр йортка бәхет-шатлык, илгә тынычлык, иминлек, тотрыклылык алып килсен. Сезгә һәм якыннарыгызга ихлас йөрәктән ныклы сәламәтлек, телим, туган Башкортстаныбыз һәм Бөек Русиянең артабангы чәчкә атуы хакына фидакарь хезмәтегездә уңышлар юлдаш булсын. Башкортстан Республикасы Президенты Рөстәм Хәмитов. Хөрмәтле Риф Сәгъдәтулла улы! Якынлашып килгән яңа 2012 ел уңаеннан чын күңелдән котлау сүзләрен җиткерәм! Без аны киләчәккә зур ышаныч, өмет һәм бөек максатлар белән каршылыйбыз. Үтеп барган ел иң авыр мәсьәләләрнең дә күмәк көч белән җиңел хәл ителә алуын ачык күрсәтте. Ул илебездәге тотрыклылык, икътисади үсеш һәм халкыбызның яшәү дәрәҗәсенең күтәрелүе белән билгеләнде. Безнең барыбыз өчен дә иң төп бурыч – илебезнең бай мөмкинлекләрен файдаланып, аның күпмилләтле халкы өчен артабан да хезмәт итү. Сезгә ныклы саулык, бәхет һәм гаилә иминлеге, изгелек, өметле һәм нәтиҗәле хезмәт итүегезне телим! Яңа елда сезнең барлык теләкләрегез, хыялларыгыз тормышка ашсын! Ихтирам белән, Башкортстан Республикасы Дәүләт Җыелышы-Корылтай Рәисе Константин Толкачев.
| 
