Агымдагы елның 20 апрелендә Чакмагыштагы "Олимпияче” физкультура-савыктыру комплексында спортның берничә төре буенча ярышлар үткәреләчәк. Беренче – хатын-кызларның волейбол командалары арасындагы бәйгеләр, ул 14 сәгатьтә башлана. Шушы ук көнне һәм шул ук сәгатьтә ир-егетләр һәм хатын-кызлар арасында шахмат буенча да бәйгеләр үткәреләчәк. Ә менә биредә 19 апрельдә мини-футбол буенча ярышлар булмаячак, ул икенче вакытка күчерелә. Бу көнне Иске Бәширдә "Яшь батыр” кубыгына милли көрәш буенча бәйгеләр оештырыла. Анда 2000-2004 елларда туган малайлар һәм 1997 -1999 елгы үсмерләр катнашачак. Алар ун төрдәге авырлык категориясендә көч сынашачак. Ярышлар 10 сәгать 30 минутта башлана. Үзегезне сынап карау өчен ярышларга рәхим итегез, дуслар! Рим Хуҗин, яшьләр эшләре, физик культура һәм спорт буенча комитетның баш белгече.
|